സ്വന്തമായി ഒരു വീട്, അതും സുരക്ഷിതമായി ജീവിക്കാന് കഴിയുന്ന വീട്, എന്നതാണ് ഏതൊരു സാധാരണക്കാരന്റെയും സ്വപ്നം. എന്നാല്, ട്വന്റി20 വരുന്നതിനു മുമ്പ്, വര്ഷങ്ങളോളം ഭരിച്ച മുന്നണികള് സാധാരണക്കാരന്റെ ഈ സ്വപ്നങ്ങള്ക്ക് ഒരു വിലയും നല്കിയിരുന്നില്ല. കാലപ്പഴക്കം ചെന്ന് എപ്പോള് വേണമെങ്കിലും തകര്ന്നുവീഴാമായിരുന്ന വീടുകളില്, സാമ്പത്തികമായി പിന്നാക്കം നില്ക്കുന്ന കുടുംബങ്ങള് ഭയത്തോടെ ജീവിച്ചു. പണി പൂര്ത്തിയാക്കാന് കഴിയാതെ പാതിവഴിയില് നിലച്ച വീടുകളില് സുരക്ഷിതമായ ഒരു ഭാവിയെക്കുറിച്ചുള്ള സ്വപ്നങ്ങള് പോലുമില്ലാതെ ജീവിച്ചുപോന്ന നിരവധി കുടുംബങ്ങള് ഇവിടെയുണ്ടായിരുന്നു.
പഴയ ഭരണാധികാരികളുടെ ഈ അനാസ്ഥക്ക് ട്വന്റി20 ഭരണസമിതി അന്ത്യം കുറിച്ചു. ട്വന്റി20യുടെ ഭവന പുനരുദ്ധാരണ പദ്ധതി കേവലം അറ്റകുറ്റപ്പണി ആയിരുന്നില്ല, അത് ആ കുടുംബങ്ങള്ക്ക് നല്കിയ സുരക്ഷിതമായ ജീവിതമാണ്. പണി പൂര്ത്തിയാക്കാന് പറ്റാതിരുന്നതും, കാലപ്പഴക്കം ചെന്നതുമായ 2379 വീടുകളാണ് ഈ പദ്ധതിയില് ഉള്പ്പെടുത്തി നവീകരിച്ചത്. ഈ വീടുകള് വെറും പുനരുദ്ധാരണം ചെയ്യുകയല്ല, മറിച്ച് ഉന്നത നിലവാരത്തിലേയ്ക്ക് ഉയര്ത്തുകയാണ് ചെയ്തത്. ചോര്ച്ചയില്ലാത്ത മേല്ക്കൂര, സുരക്ഷിതമായ ഭിത്തികള്, മെച്ചപ്പെട്ട സൗകര്യങ്ങള് എന്നിവ ഉറപ്പാക്കി. സാമ്പത്തികമായി പിന്നോക്കം നിന്നിരുന്ന ഈ കുടുംബങ്ങള്ക്ക്, സ്വയം വീടുകള് നവീകരിക്കാന് സാധിക്കുമായിരുന്നില്ല. ട്വന്റി20യുടെ സമയോചിതമായ ഈ ഇടപെടല് അവര്ക്ക് വലിയ ആശ്വാസമാണ് പകര്ന്നു നല്കിയത്. ജനങ്ങളുടെ സുരക്ഷിതത്വത്തിലും ക്ഷേമത്തിലും ട്വന്റി20 കാണിക്കുന്ന ഈ പ്രതിബദ്ധത, മറ്റ് രാഷ്ട്രീയ പാര്ട്ടികളുടെ കഴിവില്ലായ്മയെയാണ് തുറന്നുകാട്ടുന്നത്. വാക്കിലല്ല, 2379 വീടുകളുടെ ഭദ്രതയിലാണ് ട്വന്റി20യുടെ ഉറപ്പ്.
