കിഴക്കമ്പലം പ്രദേശത്തുകൂടി ആരും വിശന്ന വയറുമായി കടന്നുപോകാന് പാടില്ല എന്ന ഉദ്ദേശലക്ഷ്യത്തോടെ ആധുനിക ബസ് സ്റ്റേഷനൊപ്പം സൗജന്യ ഭക്ഷണ വിതരണ കേന്ദ്രവും ഒരുക്കുകയാണ് ട്വന്റി20. കേരളത്തിന് മാതൃകയാകാന് ഒരുങ്ങുന്ന ആധുനിക ബസ് സ്റ്റേഷനൊപ്പം ട്വന്റി20 ഭരണസമിതിയുടെ സാമൂഹിക പ്രതിബദ്ധതയുടെ നേര് സാക്ഷ്യമാവുകയാണ് ഈ സൗജന്യ ഭക്ഷണ വിതരണ കേന്ദ്രം.
കിഴക്കമ്പലം ബസ് സ്റ്റാന്ഡിനകത്ത് പ്രവര്ത്തനമാരംഭിക്കുന്ന സൗജന്യ ഭക്ഷണശാലയില് നിന്നും എല്ലാവര്ക്കും സൗജന്യ ഭക്ഷണം ലഭ്യമാക്കുന്നതിനുള്ള ക്രമീകരണമാണ് ട്വന്റി20 ഒരുക്കുന്നത്. രാവിലെ 6 മണി മുതല് 9 മണി വരെ ബ്രേക്ഫാസ്റ്റ്, 9 മണി മുതല് 12 മണിവരെ ടീ/കോഫി സ്നാക്സ്, 12 മണി മുതല് 2 മണിവരെ ഉച്ചഭക്ഷണം, 2 മണി മുതല് 6 മണിവരെ ടീ/കോഫി സ്നാക്സ്, വൈകിട്ട് 6 മണി മുതല് 9 മണിവരെ അത്താഴം എന്നിങ്ങനെ പൂര്ണമായും സൗജന്യമായാണ് ഒരുക്കുന്നത്. ഈ ആധുനിക കാലത്ത്, സ്റ്റാര് റെസ്റ്റോറന്റുകളില് ലഭ്യമാകുന്ന എല്ലാ ആധുനിക സൗകര്യങ്ങളോടെയുമാണ് യാത്രക്കാര്ക്കായി ഇവിടെ സൗജന്യ സേവനം ഒരുക്കി നല്കുന്നത്.
ട്വന്റി20 നടപ്പിലാക്കുന്ന ജനോപകാരപ്രദമായ ഏതൊരു പദ്ധതിയെയും തടയുക എന്ന ലക്ഷ്യത്തോടെയുള്ള പരമ്പരാഗത രാഷ്ട്രീയ പാര്ട്ടികളുടെ ഇടപെടല് ഇവിടെയും ആവര്ത്തിക്കുകയാണ്. ഈ നാട് വികസിക്കുന്നതോ, ഇത്തരം സൗകര്യങ്ങള് സാധാരണക്കാരായ ജനങ്ങള്ക്ക് ലഭിക്കുന്നതോ ഒരിക്കലും ഇഷ്ടപ്പെടാത്ത വര്ഗമാണ് ഇവിടുത്തെ പരമ്പരാഗത രാഷ്ട്രീയ പാര്ട്ടികള്. അതുകൊണ്ട് ഈ വികസന പദ്ധതികള് തടയുന്നതിനും ഇല്ലാതെയാക്കുന്നതിനും ഇടതും വലതും മത്സരിച്ചാണ് ശ്രമിച്ചുവരുന്നത്. ഈ നീക്കങ്ങളെ ജനങ്ങള് തിരിച്ചറിഞ്ഞ്, അട്ടിമറി ശ്രമങ്ങളെ അടിച്ചമര്ത്തിയാല് മാത്രമേ ഈ നാട്ടില് വികസനം സാധ്യമാവുകയുള്ളു.
