ട്വന്റി20യുടെ നാല് ഗോഡ്സ് വില്ലകളില് ഏറ്റവും വലിയ ഭവന പദ്ധതിയാണ് ഞാറള്ളൂര് ഗോഡ്സ് വില്ല. പഴയ ലക്ഷംവീട് കോളനി സ്ഥിതിചെയ്തിരുന്ന സ്ഥലത്താണ് ഈ പുതിയ വില്ലകള് നിര്മ്മിച്ചുനല്കിയത്. ഇവിടെ 750 ചതുരശ്ര അടി വിസ്തീര്ണ്ണത്തില്, ആധുനിക സൗകര്യങ്ങളോടുകൂടിയ 37 വീടുകളാണ് നിര്മ്മിച്ചത്. എല്ലാ വീടുകളിലേക്കും ശുദ്ധജലം, വൈദ്യുതി, കാര്യക്ഷമമായ ഡ്രെയിനേജ് സംവിധാനങ്ങള് എന്നിവ ഉറപ്പാക്കിയിട്ടുണ്ട്. ഗോഡ്സ് വില്ലയിലേക്കുള്ള റോഡുകളെല്ലാം ബി.എം.& ബി.സി. നിലവാരത്തിലും കൂടാതെ ടൈല് വിരിച്ചും മികച്ചരീതിയില് ഗതാഗതയോഗ്യമാക്കി. അടിസ്ഥാന സൗകര്യ വികസനത്തില് വിട്ടുവീഴ്ചയില്ലാത്ത ട്വന്റി20യുടെ സാമൂഹിക പ്രതിബദ്ധതയുടെ മികച്ച ഉദാഹരണമാണിത്.
