ട്വന്റി20 എൻ.ഡി.എ. മുന്നണിയിലേക്ക് എത്തിയതിനെത്തുടർന്നാണ് നൂറ് വർഷത്തിലേറെ നീണ്ട മലങ്കര സഭാ തർക്കത്തിൽ കേന്ദ്രസർക്കാർ നേരിട്ട ഇടപെടൽ ആരംഭിച്ചത്. ട്വന്റി ട്വന്റി പ്രസിഡന്റ് Sabu M. Jacob മുൻകൈയെടുത്തുള്ള ശ്രമങ്ങളാണ് ഇപ്പോൾ പുരോഗമിക്കുന്നത്.
ബിജെപി സംസ്ഥാന അധ്യക്ഷൻ Rajeev Chandrasekhar, ട്വന്റി ട്വന്റി പാർട്ടി ചീഫ് കോർഡിനേറ്റർ സാബു എം. ജേക്കബ് എന്നിവരും കൂടിക്കാഴ്ചയിൽ പങ്കെടുത്തു.
സഭാ തർക്കവുമായി ബന്ധപ്പെട്ട് തുടരുന്ന നിയമപോരാട്ടം വിശ്വാസികളിൽ ആശയക്കുഴപ്പവും വേദനയും സൃഷ്ടിക്കുന്നുവെന്ന് സാബു എം. ജേക്കബ് ചൂണ്ടിക്കാട്ടി. ഈ സാഹചര്യത്തിൽ, കോടതിക്ക് പുറത്ത് സമവായത്തിലൂടെ പ്രശ്നം പരിഹരിക്കപ്പെടുന്നതാണ് ഏറ്റവും ഉചിതമെന്ന അഭിപ്രായമാണ് പ്രധാനമന്ത്രി മുന്നോട്ട് വെച്ചത്. സമൂഹത്തിൽ ഐക്യം നിലനിർത്തുന്നതിനും ആരാധനാലയങ്ങളിലെ സമാധാനം ഉറപ്പാക്കുന്നതിനും ഇരുപക്ഷവും സഹകരിക്കണമെന്ന് അദ്ദേഹം നിർദേശിച്ചു.
